Online tuluttut pikkorissarneq immikkoortoq 1
Pikkorissarneq una imatut ingerlanneqassaaq: Pikkorissarneq illoqarfigisaq qimannagu ingerlanneqassaaq sapaatit akunnerini arfineq marlunnik sivisussuseqassalluni, ZOOM atorlugu sapaatip akunneranut marloriarluni pisassalluni. Pikkorissarneq minutsinik 60-nik sivisussuseqartassaaq. Pikkorissarnerit akunneranni immikkut nammineq suliassanik tunniussisoqartassaaq kiisalu suliassanik sungiusaatissanik ingerlatsisoqartassalluni. Pikkorissartut suliaat pikkorissaasumit misissuataarneqartassapput. Saniatigut pikkorissartut pikkorissaasumik ataasiakkaarlutik oqaloqatigineqartassapput pisariaqartitsineq najoqqutaralugu.
Siunertaq:
Ulluinnarni tuluttut oqaatsit atorlugit pikkorissartup piginnaasaqarnerulernissaa kiisalu tuluit oqaasiisa sananeqaataasa tunngaviusumik paasilluarnissai.
Imarisaa:
Pikkorissarneq tuluttut oqaasilerinermik aallaaveqassaaq, atuagassat assigiinngitsut kiisalu oqaluttariarsorluni saqqummiineq.
Pingaarnertut imarisai:
- Oqaasilerineq
- Allattariarsorneq
- Oqaloqatigiinnerit
- Piorsarsimassutsimik paasinninneq
- Nammineq oqaaseqatigiiliornerit