Takorluukkat serviet-imit KTI-mi illuliamik piviusunngortitsineq
Oktoberip 27-ani 2020 KTI Sanaartornermik Ilinniarfimmi illu nutaaq piareerneqarpoq
Oktoberip 27-ani KTI Sanaartornermik Ilinniarfimmi illu nutaaq piareerneqarpoq
Forstanderi Jokum Møllerip, Teknikimik Ilinniarfik KTI sinnerlugu BJ Entreprise A/S qutsavigaa illup nutaap sananera pillugu. COVID-19 unamminartoqaraluartoq pilersaarutit malillugit 27. oktober 2020 tunniunneqarpoq. Suliassat sanasullu nersortarialimmik ataqatigiissaarneqarsimapput suleqataasunit assigiinngitsuninngaanniit.
Masanti A/S qutsavigaarput KTI illumi nutaami illuliornermi kusanartuliortaaseq eqqorlugu titartakkanik tapiliussinerinut. Qaamarngup isaanera katiterinerillu nutaat illu Sisimiuni asseqanngitsilerpaat.
Takorluukkat serviet-imit KTI-mi illuliamik piviusunngortitsineq
Illu nutaaq qitiulluni KTI Sanaartornermik Ilinniarfiup KTI Aatsitassanik Ilinniarfiullu eqqaanni inissisimavoq.
Illumut nutaamut isumassarsiaq ukiut qulit matuma siorna KTI-mi Forstanderimit Jokum Møller-imit isumassarsiarineqarpoq. Assimi takuneqarsinnaavoq takorluugaa siulleq eqqarsaataalu serviet-imi! Angusaq kusanartoq nuannaarutiginiartigu.
Tassaniipput ilinniartitsiviit ruujorilerisunngornianut, sanasunngornianut qalipaasunngornianullu. Issittumi Sanaartornermik suliaqartoq Issittumi sanaartorneq ilinniaruk ilinniarnermi sammiviit sisamat periarissaralugit: Forskalling, Tagdækning, Nedrivning, Flise- & vådrum. Inerujussuaq illup naqqatut annertutigipajaartoq atuartitsinermut ilinniagasserisarnernullu atussaaq, soorlu kiffiutissalerinermut. KTI-p pisariaqartippaa, ingammik COVID-19-neqarnerani atuartut imminnut akuttunerunissaat pillugu, taamaattumik atuartitsiviit annerit pisariaqartinneqarlutik.
Illup angissusaa
55,8 miiterinik takitigaaq 23,15-inik salitsigaluni 18,5 miiterinik portutigaluni; 1060 m2 katillugu. Qulaani 250 m2 missaa atuartitsiveqarpoq. Illup kangiata tungaani toqqorsiveqarpoq biilinullu inissiisarfik.
Illup sananera – suliarinera
Sanaartortut illuliornerni puigukkajuttarpavut. Aana naatsumik suliarinerata oqaluttuassartaa.
BJ Entreprise A/S-ip 8. november 2018 sanaartugassap isumaqatigiissutiginera pivaa, december 2018-imi assaaneq aallartippoq. Siullermik beton-inik sukarsuit toqqavillu kuineqarput. Tulliatut kallerup inneranut attaviit ruujorillu ikkussuunneqarput, beton-it kuineqarput saviminertassaalu napparneqarlutik. Illup qaava, qaavata oqorsarnera qalissiallu ikkussuuneqarput qaarmarngullu isaavissai ikkunneqarlutik. Qaliata suliarinerini C-profilit/stålåsit ikkunneqarput, illulu Cembritpladinik matuneqarluni. Illup iigai oqorsaaserneqarput, pitarnaveeqqutit ingalaallu ikkunneqarput, kingorna ilua suliarineqarpoq.
Illuliornermi atorneqartut
Suliassaq annertooq nutaamik illuliornermik suliaqarneruvoq, sanaartornermilu atortorpassuit atorneqarlutik. Naatsunngorlugu: toqqavianut beton, toqqaviani savimineq najummisoq, mineraluld iikkat oqorsarnerinut, Cembrit anorimut illersuutit, qalissiaq, illup iluani iikkani gips, cemntinit seqummalasunit pladit illup iluani 2,6 miiterit angullugit, Troldtekt nipigissaatit pladit qaavisigut. Qaliata oqorsarnera 3500m2 missaa annertutigisimavoq (qaleriit pingasut). Illu 62-inik ingalaaqarpoq (iluani silataanilu) qulaaniillu ingalaat 60-it.
Illuliornermi nakuussutit: Sanaartortut
BJ Entreprise A/S sanaartortussanik sulisunillu KTI-mi suliaq pillugu amerlasuunik atorfinitsitsisimavoq. Suliat annertuut nappaanermi inuppassuarnik pisariaqartitsisimapput soorlu sanaartoqataasut 28-it; qammaasut sisamat, betonilerisoq ataaseq, sanasut marluk, qalipaasut arfineq-pingasut, ruujorilerisut pingasut innaallangialerisullu arfineq-marluk. Katillugit sanaartotut 100 missaat BJ-ip atorfinitsissimavai.
Sanaartornermi unammillernartut – COVID-19 mattusimanerit Sisimiunilu nilleq
Sanaartornermi unammilligassarpassuit takkuttarsimapput. Aajukulu ilai:
COVID-19 BJ-ip pilersaarusiorneranut assut apeqqutaasimavoq. Sanaartornermi aqutsisoq Simon Brøndal sanaqataasussallu tikinnerminniit angerlarsimangallartariaqarsimapput. Simon-ip suliaasa ilarpassui nammineq iniminiit suliarisariaqarsimavai oqarasuaatikkullu ataatsimiittarluni.
Kalaallit Nunaata matungallarnera pissutigalugu kran-ilerisup kran-i pillugu allakkiai kinguaattoorput. Atortussarpassuit tikinniaaluusaartarsimapput sanaartorfiit matusarneri pissutigalugit. Matoorarnerit pissutigalugit BJ aaqqiissutinik allanik nassaartariaqartarsimapput.
Pitarnaveeqqutit ikkussornerini Sisimiuni issi akornusiisimavoq. BJ-ip savimineq kissaqqaartariaqarsimavaa gassitortut atorlugit pitarnaveeqqutit ikkussinnaaniassammata.
Ingalaat inissisimaneri nikingasut iikkani tamani unammillernarsimapput, savimernit ataqatigiisitsisut uuttortartariaqarsimammata assigiinngitsunillu killorlugit. Ataqatigiisitsisut assigiinngitsunik issussuseqarput statik eqqarsaatigalugu (2.0mm imlt. 1.5 mm). Ikkussuineq eqqortoq anguniarlugu 2.0 mm-it tamarmik aappalaartumik qalipanneqarsimapput. Pitsaassuseq qaffasissoq taamaasiornerup kingunerisimavaa.
KTI-ip sanaartornermi suleqataasimasut tamaasa qutsavigai: 
BJ Entreprise A/S:
Pisortaq: Jeppe Mortensen
Sanaartornermi pisortaq: Simon Brøndal
Neqeroornermi naatsorsuisoq: Claus Dahl
Beton-ilerinermut aqutsisoq: Axel Helgason
Siulittaasoq/qalipaasut aqutsisuat: Keld Jochumsen
Siulittaasoq/nunat suliarineranut aqutsisoq: Jørgen Christensen
Magnus Jonson, Masanti, siunnersorti sanaartortitsisunillu aallartitaq
Suleqataasut:
Qalialerisut: Sanaartortut.
Innaallagiaq : Sarfalerisut ApS
Ruujorilerisut silaannarissarfilerisullu: Brøndum A/S
Qammangartai: Paul Erik Christemse ApS
Siunnersortit nunamillu uuttortaasut: Masanti A/S