Issittumi Sanaartornermi Sulisartoq KTI-mi Inuussutissarsiornermik ilinniagaq nutaaq
KTI-mi Sanaartornermik inuussutissarsiorluni ilinniagaq nutaaq akuerineqarpoq
Teknikimik ilinniarfik KTI ilinniagaq nutaaq ukiut marluk ingerlanneqartartussaq akuerisaavoq: KTI Issittumi Sanaartornermi Sulisartoq
Teknikimik Ilinniarfik KTI ilinniagaaterpassui ilaqqipput, ukiut marluk ilinniarfigineqarsinnaasoq ilanngukkamikku.: KTI Issittumi Sanaartornermi Sulisartoq. 2021 upernaakkumiit ilinniakkamut qinnuteqartoqarsinnaalissaaq.
Siunnersuut ilinniarnermullu pilersaarutit KTI Sanaartornermik Ilinniarfiup Ilinniartitaanermut, Kultureqarnermut, Ilageeqarnermullu Naalakkersuisoqarfimmut saqqummiussimavaa akuerisassanngorlugu.
KTI Issittumi Sanaartornermi Sulisartoq – inuussutissarsiornermik ilinniarfik sanaartornermut tunngassuteqartoq
Ineriartorneq, aningaasaqarneq aningaasaliinerillu ullumikkut Kalaallit Nunaanni pisoqarfiusorujussuupput. Mittarfiit nutaat sanaartorneqarput, talittarfiit pilersaarutaapput, aatsitassarsiorfiit aqquserngillu Issittoq kiffartuunniarlugu. Ineriartorneq aaqqissuussaalluartumik aningaasaliinerujussuarnertigullu ingerlavoq.
Nunap inuussutissarsiornikkut ilinniarfii ineriartornermut malinnaaqataasariaqarput suliffeqarfiit ulapputeqisut naammaginartumik sulisoqartinniarlugit.
Ukiut marluk sulisartutut ilinniarsimasutut ilinniagaq suliap suunera apeqqutaatillugu naleqqussarsinnaasoq
Taamatut immikkut ittumik ataqatigiisitsineq ilinniarsimasunut assigiinngitsunut ilinniagaq KTI Issittumi Sanaartornermi Sulisartoq nunami sulisitsisunut suliffeqarfinnullu iluaqutaassaaq Kalaallit Nunaata inuussutissarsiornikkut ineriartornera malitsigissagamiuk taperserlugulu.
Sanaartornerup iluani pissutsit allanngulissappata, KTI Issittumi Sanaartornermi Sulisartoq iluassaqaaq ilassutitut ilinniagaralugu. Ukiut marluinnaat atuangarsorlunilu suliffimmi misiliilluni allagartartaassutaassutigisinnaagami.
2021 upernaakkumiit KTI Issittumi Sanaartornermi Sulisartutut ilinnialernissamut qinnuteqartoqarsinnaalissaaq
KTI Issittumi Sanaartornermi Sulisartutut suliassat tamarmik issittumi sanaartornermut tunngasuussapput.
Ilinniakkap ataani periarfissat sisamat toqqarneqarsinnaassapput:
- Kuitsivissialerineq
- Qalialiineq
- Ingutserineq
- Flise-lersuineq
KTI-p KTI Issittumi Sanaartornermik Sulisartutut qinnuteqartussat tamaasa tikilluaqquai
