Qinnuteqartunut ilitsersuut

Aatsitassalerinermik Ilinniarfiup inuussutissarsiutinut ilinniartitaaneri

Aatsitassalerinermik Ilinniarfik Sanaartornermi Maskiinanik ingerlatitsisutut aamma Qaarusummi sulisutut (212227) ilinniarnissamut periarfissiivoq. Ilinniarneq ukiunik sisamanik sivisussuseqarpoq ukiuni marlunni ilinniarneq aamma ukiuni marlunni suliffimmik sungiusarluni sulineq.

Inuussutissarsiutitigut ilinniarnialeraanni suliffimmi sungiusaatitut sulinissamut isumaqatigiissusioreernissaq piumasaqaataanngilaq.

Ilinnialernissamut piumasaqaat tassaavoq meeqqat atuarfianni naggataarutaasumik Qallunaatut, Tuluttut Matematikkimilu misilitsinnermi angusisimanissaq, kiisalu ilinniarnerup nalaani ilinniagaqarnersiuteqarnissannut Ilinniagaqarnersiuteqartitsivimmit akuerineqarneq.

Suliffimmi sungiusaatitut sulineq naammassilerpat suliffeqarfiup ilinniartoq svendinngorniarluni misilitsinnissamut Aatsitassalerinermik Ilinniarfimmi ingerlanneqartussamut innersuutissavaa.

Svendinngorniarluni misilitsinnermi angusigaanni aamma suliffimmi sungiusaatitut sulereernermi ilinniartoq svendinngorluni allagartamik uppernarsaammik tunineqartarpoq, taamaasillunilu Sanaartornermi Maskiinanik ingerlatitsisutut aamma Qaarusummi sulisutut ilinniarsimasunngussaaq.

Akuerineqarnissamut piumasaqaatit

  • Meeqqat Atuarfianni inaarutaasumik misilitsinnermi tuluttut, qallunaatut aamma matematikkimi angusisimanissat – pitsaaneruvoq faagini taakkunani karakteerigissaarneq.
  • Ilinniarneq aallartinnginnerani 16-inik ukioqalereersimassaatit.
  • Kørekorteqanngikkuit ilinniarfiup neqeroorutigaa sungiusaatigalugu sulineq aallartinnginnerani pissarsiarinissaanut periarfissinneqarnissat.
  • Qasujaatsuussaatit.

Qinnuteqarneq

Ilinniartitaanermut qinnuteqaat Sullissivik.gl-mi nassaassaavoq.

Ilinniartitaanermut qinnuteqartoq Meeqqat Atuarfianni ilinnialerniarluni faginut piumasaqaatinut angusinngitsoorsimappat najugarisamini Majoriaq saaffigissavaa AEU-mut (Anerkendt Erhvervsintroducerende Uddannelse / Inuussutissanut ilisarititsisumik akuerisaasumik ilinniartitaaneq) ilinnialernissamut.

Ilinniagaqarnersiuteqarfimmi pigisat nassiunnerinut, atuakkanut tapiissutinik aamma ilinniagaqarnersiutinik qinnuteqarfigisinnaavat.

Links:

Ansøgning: Inuussutissarsiutitigut ilinniartitaanermut qinnuteqarit (EUD)

Uddannelsesstøtte: Ilinniagaqarnersiutit

Anerkendt Erhvervsintroducerende Uddannelse: Majoriani piginnaanngorsaqqinneq

KTI Kollegie: Kollegium - Sisimiut


__________________________________________________________