Biilit kranii >8-30 tm

Imarisaa:

Peqataasup biilit kranii atorlugit kranimik suliassat nalinginnaasut suliarisinnaalissavai kranit meterimut 8 tonsinik kivitsisinnaasut aamma meterimut 30 tonsit angullugit kivitsisinnaasut tunngaviusumik kranimik atuisinnaaneq ilanngunneqarpoq, aamma taamaalilluni Sullivinnik Nakkutilliisoqarfiup pisinnaasaqarnissamut piumasaqaataat, tak. bekendtgørelse om arbejdsmiljøfaglige uddannelser nr. 1346 af 29/11/2017[1] (sullivinni avatangiisit pillugit ilinniartitaaneqnr. 1346, 29/11/2017-meersoq) ilanngussaq 1, imm. 2.1 aamma imm. 2.2.

Ilinniartitaaneq naammassippat peqataasup ilisimasaqarfigilissavai makku: - biilit kranii atorlugit sulinermi navianartut, biilit kraniisa sananeqarnerat aamma isumannaallisaanermut atortui- biilit kraniisa sunut atorneqarsinnaanerat, tamatumani ilanngullugit atorneqarsinnaanerinut killissarititaasut- kranip qarsorsaanut ikkussinermut/piigaqarnermut maleruaqqusat, taakkununnga ilanngullugit kivitsinermut atortut aamma ikkussinermut atortut eqqortut- krani pillugu allattuiffiup imarisaa aamma taakkununnga allattuinissaq pisariaqartoq- biilit kraniisa kivitseqatiginneranni maleruaqqusat aammattaaq biilit kraniinik inunnik kivitsisoqassatillugu oqimaassuseq- biilit kranillit uertuunnginnissaanut tunngasut- nunap tunngaviusup qanoq ittuunera aamma tunngavigisat assigiinngitsut qajannaassusiat- immikkut atortussanik toqqaaneq, soorlu assersuutigalugu palitsinut (palle) kivitsissut aamma usilersornermi nivaatarsuaq, kiisalu taakkuninnga eqqortumik ikkussisinnaaneq- niuusanik uernaveersaatinik eqqortumik atuineq.

Ilinniartitaaneq naammassippat peqataasup imaaliorsinnaalissaaq: - biilit kraniinik isumannaallisaanikkut aamma peqqissutsimut tunngatillugu isumannaalluinnartumik atuisinnaalissaaq, tamatumunnga ilanngullugu kivitanik sallaatsumik ingerlatitsineq atortunik ataatsikkut atuilluni aammattaaq kivitanik ingerlasunik unitsitsineq- kivitat oqimaassusiannik naliliineq aamma uertussaajunnaarlugit inissiineq, kiisalu ilisimassallugu kivitassap kivinneqannginnerani eqqortumik ikkunneqarsimanera- kivitsissutinik ikkussuisumik ilitsersuisinnaaneq, tassunga ilanngullugu assaat atorlugit ussersornikkut (ussersuutit nalinginnaasut) aamma radiomik atuisinnaaneq- ilisimalerlugu kranit aamma kivitsinissamut ikkussuiffiit qanoq akulikitsigisumik misissorneqartassanersut aamma aserfallatsaalineqassanersut, - misissuisinnaassalluni kranimik ingerlatsisutut akisussaaffimmini, taakkununnga ilanngullugit kivitsinissamut ikkussuinermut atortut- biilit kraniinik atugassani taannarpiaq pillugu ilisimasaqarneq, tassani aallaavigineqassaaq pisiffigisap ilitsersuutai- usilersuinissap titartagartai  atuarsinnaallugit- kraninik angallattakkanik eqqortumik inissiisinnaalluni.

[1] Sullivinnik Nakkutilliisoqarfiup kalaallisut allanneqarsimanera naninnginnakku.