25.37 Maskiinanik ingerlatsisinnaanermut pikkorissarneq

Maskiinanik ingerlatsisinnaanermut pikkorissarneq 

Isumannaallisaaneq aamma maskiinat sanaartornermi atorneqartartut angisuut pillugit isumannallisaaneq atorissaannullu pillugit ilinniassaatit pikkorissartut allat aqqanillit ilagalugit. Pikkorissarneq pitsaasoq sanaartornermi ulapaarfiusumi sulilernissannut ammaassisoq. Maskiinat angisuut allagartartaarfigigukkit.

”Maskiinanik ingerlatsisoq: Kalaallisut/qallunaatut ilinniartitsisoqassaaq norgemiut ilinniusiaat atorlugit. Pikkorissarnerni angusisoqassaaq atuagarsorluni misilitsinnerni marlunni aamma suliaqarluni soraarummeernermi.

 Maskiinanik ingerlatsisoq Surface Mining – sapaatit akunneri 5:

Kalaallit nunaani sanaartornermik suliffeqarfiutaat sanaartorfippassuarni ulappupput, aamma atortunik nussuinermi angallassinermilu. Suliffeqafiit sulisussarsiorput sanaartornermi maskiinanik angisuunik isumannaatsumik ingerlatsisinnaasunik.

Pikkorissartup isumannaatsumik sulinissaminut ilinniassavai:

Grader☀ Dumper☀ Gummiged☀ Bulldozer☀ Rendegraver☀ Assaat/Gravemaskine

Pikkorissarnermi angusigaanni pikkorissartoq tunineqassaaq allagartamik nunani tamalaani atorsinnaasumik uppernarsaammik (Norgemiut piumasaqaataat najoqqutaralugu).

Isumannaallisaaneq pillugu uppernarsaammi nutaami sanaartorfinnut, assersuutigalugu mittarfinnik alliliinermi, aatsitassarsiorfinni imaluunniit immikkoortuni teknikkimut tunngasunut suliffissarsiorsinnaavoq.

*Suliffeqarfiit – Piffissajarnak aamma aserfallatsaaliinermut sipaarit – sulisutit maskiinanik aquttuunissamut isumannaatsunik aamma uppernarsaatitalimmut aquttuunissamut pikkorissartikkit!

PIKKORISSARNERUP IMAA:

Atuagarsorluni iliniarneq imaqarpoq:

■ Aquttumut piumasaqaatit

■ Atuuffii

■ Ajutoornerit

■ Maskiinat sananeqaataat/ilusilersorneri

■ Aserfallatsaaliineq

■ Hydraulik

■ Dieselmotor

Ilinniarneq assassorfiusoq imaqarpoq:

■ Maskiinap atortui pingaarnerit/atuuffii

■ Nakkutilliineq

■ Atuuffii/aqutsineq

■ Suliaqarfik

■ Usinik kivitsineq

■ Kivitsissummik atuineq

■ Misileraanerit

SULILERTIGANI ISUMANNAALLISAANEQ AAMMA AVATANGIISIT

  • Peqqinnissamik aamma Isumannaallisaanissamik sungiusarneq
  • Sullivik isumannaatsuunissaanut misissueqqissaarneq
  • Avatangiisinik nakkutilliineq

Sap. ak. 5-linni ingerlanneqartussaq

Piffissaq:  03.11.25 - 05.12.25

Qinnuteqarfissaq kingulleq:  13.10.25

Sumiiffik: Aatsitassalerinermi Ilinniarfik, Sisimiut

Kursustype:   PKU 

 Paasissutissat PKU -mut tunngasut

Qinnuteqaat uani aaneqarsinnaavoq


Follow on Facebook