Takorluukkat

Takorluukkat

1. teknikikkut ilinniakkanut soqutiginninnerup nunatsinni qaffassarnissaa
2. ilinniarfiup illugititaasa allilertorneqarnissaat, taamaalilluni ilinniartut sapinngisamik amerlanerpaat ilinniakkamik aallartitserusuttut ilinnialeqqullugit
3. ilinniarusuttut piukkunnaateqarluartut ilinnialernissaminnut suli amerlanerusut soqutiginnilersinnissaat
4. ilinniartut qaffasinnerusumik periarfissinnissaat, taamaalillutik suliffeqarfinni tulluarsakkani atorfininnissaat imaluunniit ilinnialeqqinnissaannut periarfissinnissaat
5. ilinniarfiit assigiinngitsut akornanni ajornannginnerusumik nuussinnaanermik periarfissiinissaq, ilaatigut ilinniartuunngorniarfinni taamaatiinnartut Assassorluni Periautsimillu ilinnialernissamut periarfissiinissaq 
6. assassorluni pikkorissunit, atuakkatigulli sanngiiffeqartunut ilinniakkanik pilersitsinissaq ineriartortitsinissarlu
7. ilinniarfiunissaq pissanganartoq ineriartortitsisorlu, nunatsinni ilinniartunit ornigineqarluartoq, ilaatigullu nunaniit allaniit ilinniartunit aamma soqutigineqarluartoq
8. issittumi ilinniarfik akuerineqartoq, paarlaasseqatigiinnermik ilisimasanillu issittumut tunngassuteqartunut peqataasoq
9. suliffeqarfik orniginartoq, pilerigineqarluarlunilu sulisuminik ataavartumik sulisulik, sulisut piginnaasaqarluartut maligassiuilluartullu 
10. ilisimasaqarfiunissaq nunatsinni suliffeqarfinnut nunatsinnullu iluaqutaalluartussaq, nunatsinni pisunut ilisimasaqarluarnikkut issittumilu pissutsinut ilisimasaqarluarnikkut 
11. ilinniarnermut atatilligu suliffeqarfinnik pilersitsisarnermut peqataajuarnissaq

Siulersuisunit akuerineqartoq 15. oktober 2013