Eqqagassalerinermik Teknikeri

Eqqagassat ajugaaffinngortikkit

Sulisutit eqqagassalerinermi teknikeritut ilinniartikkit

Sulisut tutsuiginartut

Eqqagassalerinermi piginnaaneqarnerusunik sulisoqalerit. Saviminilerinermik Ilinniarfik eqqagassalerinermi teknikeritut ilinniartitaanermik neqerooruteqarpoq, taamaattumillu sulisutit ilinniarsimasutut naammassisinnaalerput. Ilinniartussamik toqqaagit, eqqagassallu ajugaaffinngortinniarnerini peqataagit.

Ilinniartitaaneq imatut ingerlassaaq

Ilinniartitaaneq ukiunik katillugit pingasunik sivisussuseqarpoq. Ukiup aappaa avillugu siulleq tunngaviusumik terminalilerisutut ilinniartitaaneruvoq. Taava ukiup aappaa tulleq avillugu immikkut eqqagassanik passussinermut, sanaartukkanik atortunillu ingerlatsinermut aserfallatsaaliuinermullu, atortussanik ilinniarnermut atueqqinnerlu pillugu ilisimasanut ilinniartitsiviussaaq. Ukioq ataaseq sapaatillu akunnerini 9-ni sulisitsisumi misiliilluni sulisoqassaaq, akunneranilu sapaatit akunneri 9 aamma 8 atuarnermik malitseqartarluni - ilinniartitaanerlu allagartartaarnermik naggaserneqassaaq.

Ilinniarsimanngitsumiit ilinniarsimasumut

Ilinniarsimanngitsutut sulisooreerlutik sulisut inersimasutut ilinniarlutik ilinniarsimasutut sulilersinnaapput. Iiniarneq sivikinnerulersinnaavoq, sulisut inuussutissarsiornermi misilittagaqarnertik iluaqutigisinnaammassuk. Ilinniartut ilinniarnerminni ilinniarnersiutisiaqassapput, suliffimmilu misiliilluni sulinerup nalaani sulisitsisuminniit ilinniartutut akissarsiaqartitsissaaq.

Imaaliussaatit

Ukiut tamaasa augustimi januarimilu ilinniartut aallartitsittassavagut, ukiorli naallugu qinnuteqarfigineqarsinnaalluta.

Annertunerusumik paasisaqarusukkuit Saviminilerinermik Ilinniarfik attaveqarfigiuk.