Assartugalerisoq - Terminalarbejder
Assartugalerisup piginnaaneqarfigissavaa – peqqissaarluni, pitsaassuseq isumannaallisaanerlu eqqumaffigiitigalugit, teknologimik nutaamik atortulerluni ingerlatsisarnissaq, aamma sulinermini maskiinat, nassiussaleriviit, umiarsuit timmisartullu ineriartortuarnerat pillugu paasisimaqariartuinnalernissaq, tassani ingammik assartuinermi malittariaani logistik eqqumaffigalugu paasisimasaqarfigissavaa. Ilinniarnerup nalaani ilinniartut biilinik ingerlatsinermut uppernarsaatitaassapput, truckersinnaanermut uppernarsaatitaassapput, kranilerisinnaanermut uppernarsaatitaassapput, assartukkat ulorianartut passunneqartarnerinut uppernarsaatitaassapput, aammattaaq kursusernermut uppernarsaatit praktikerluni sulinissamut piumasaqaataallutillu pisariaqartut allat pissarsiarineqassapput.
Ilinniarneq
- Ilinniartut aallartittarput praktikerlutik imalt. najukkami inuussutissarsiutinut atuarfiup aallarterlaanut aaqqissuussaanut peqataallutik.
- Tamatuma kingorna ilinniartut aallartissapput Saviminilerinermut Ilinniarfimmi qitiusumik ilinniarfimmi brancheskolerlutik sap. ak. arfineq pingasunik sisvisussuseqartussamik.
Akuerineqarnissamut piumasaqaatit
Ilinniartunngorusukkaanni najukkami inuussutissarsiutinut atuarfimmut saaffiginnittoqarsinnaavoq imalt. kommuneqarfiup kultureqarnermut atuartitaanermullu immikkoortortaqarfianut (KUF) suliffissarsiuussisarfimmulluunniit.
Akuerineqarnissamut piumasaqaatit soraartummeersimanermut uppernarsaatit atorlugit, 13 skala tunaartaralugu karakterilersimasut
Meeqqat Atuarfianni 11. klassemiit soraarummeersimaneq minnerpaamik qallunaatut 6-ersimalluni matematikimilu 7-ersimalluni.
ECTS-skala atorlugu akuerineqarnissamut uppernarsaatit soraarummeersimanermut uppernarsaatit ilanngulllugit
Meeqqat Atuarfianni 10. klasse tassani soraarummeereernermi kalaallisut, qallunaatut tuluttut, matematikkimi aamma fysik/kemi-mi minnerpaamik E-rsimanissaq.
Tamakku saniatigut ilinniartoq aallartinnermi nalaani 17 affaalu ukioqalereersimassaaq, GF1-ip naanerani kørekortitaarsinnaassaguni. Ilinniarnissaq sivikimmat najugaqarfissallu isumannaareernissaat pissutigalugit taamaallaat aallartittoqarsinnaasarpoq 01.08 aamma 01.01.
Ilinniarnermut akuerisaasoqassappat, piumasaqaataavoq ilinniartoq nammineq praktikerfissaqariissasoq. Ilinniartup nammineq praktikerfissamik nassaarnissaq akisussaaffigissavaa, atuarfik aamma najukkami inuussutissarsiutinut atuarfik ilinniartumut ikiuussinnaapput praktikerfissarsiornissamut.
Ilinniarnerup ilusissaa
Sivisussusia katillugu ukiut 1,5 (aappaa avillugu).
Imatut ingerlassaaq:
Ilinniarneq nikittaartumik ilinniarnertaqarpoq (praktikerneq, atuarneq, praktikerneq il.il.), Nuummilu qitiusumik ilinniarfik brancheskolemi atuarnertaqassaaq katillugit sap. ak. 34-nik.
Taakku sap. ak. 34-timatut agguataarneqarsimapput:
Tunngaviusumik ilinniagaq/Grundforløb1 GF1 Sivisussusia sap. ak. 8
Tunngaviusumik ilinniagaq/Grundforløb2 GF2 Sivisussusia sap. ak. 8
Inaarutaasumik ilinniagaq1/ Hovedforløb1 H1 Sivisussusia sap. ak. 9
Inaarutaasumik ilinniagaq/Hovedforløb2 H2 Sivisussusia sap. ak. 9
Ilinniarneq naammassereerpat, immikkut sammisatut toqqarneqarsinnaapput Talittarfik-Mittarfik-Quersuaq aamma Logistik-Eqqakkanut Teknikeri modulikkaarlugit sap. ak. 4 sivisussuseqartumik AMA-PKU kursusit aqqutigalugit KTI Nuummi.